লমদমসিদা ফংবা পাম্বীশিং,হৈপাল-লৈপাল অমদি শা-উচেকশিং

জিরিবাম অসি মহৌশাগী ওইবা উপানশিং, হৈপাল-লৈপাল অমদি শা-উচেকশিং মরাং কায়না ফংবা লমদম অমনি I মফম অসি মহৌশাগী ওইবা পাম্বীশিং অমসুং অশং অমানশিংনা ইকুপ কুপশিনবা লমদম অমনি I অদুগা লমদমসিগী অয়াম্বা শরুকসি উমং ওই I মফম অসিদা মখল কয়াগী তাঙলবা উহৈশিং অমদি পাম্বী কয়াসু ফংই I মরুওইনা ৱা,লী,টিক,উরৈশিং,রবর,চা,অগর,কেসিউ নট,লিচি,থৈবোং,কৃা-মনা, কিহোমনচিংবা কয়া মরাং কায়না ফংই I শীঙনাং,তিনথৌ,পুল্লৈ,তৌ নচিংবসু মফমসিদা ফংই I তশেংনা হায়রবদা জিরিবাম অসি লৌউ-শিংউবা, হৈরা থাবা অমদি কান্নরবা পাম্বীশিং থাবগী থৌরাং লৌখৎপা য়াবা মফম অমনি I মফম অসিদা ফংলিবা উমংগী পোৎথোকশিংদি মরুওইনা য়ুম কৈ শাবদা শিজিন্নরীবা উশিং, মৈ থানবগী শীং ৱা,লী,খোইহী,হীদাক লাংথক শেম্বদা শিজিন্নবা য়াবা পাম্বীশিং অসিনচিংবনিIথৈবোং,কিহোম,লিচি,হৈনৌ,লফোই,অৱাথবীI

য়ুবীনচিংবসু মফমসিদা মরাংকাইনা ফংই I মখল কয়াগী মনা মশিংসু মফমসিদা ফংবগা লোইননা ফৌ থাবগী থবকশু মরুওইনা তৌই I জিরিবামদা মরাং কায়না ফংবা লমলক্কী শা-উচেকশিংদি মরুওইনা লমহুই, লমওক, শজি, শবু, মোইরাং শাথীবী শামরক ঙামরক অসিনচিংবা I উচেকশিংগী মনুংদা লম-ঙানু পনবা য়াই I মখল কয়াগী লীনশিং মরুওইনা লাইরেন,খারৌ নচিংবসু মফমসিদা ফংই I